english below
ФОРМИРАЊЕ НА FACEBOOK ГРУПА: ПРВА АРХИ БРИГАДА
Драги сограѓани,
НАШИОТ град прилично брзо и сигурно се дави во кич од невидени размери и со
несогледливи последици... Jавниот простор во НАШИОТ град го проектираат и
планираат политичари-економисти и неколку нивни пријатели, архитекти-
послушници, кои се во состојба да ја испроектираат и Ајфеловата кула, ако тоа
го посака нарачателот. Секое независно мислење на историчарите на уметност и
експертите од областа на архитектурата и урбанизмот се игнорира... Наместо
јавни стручни дебати за развојот на градот, се изработуваат тајни конкурси и
планови... Наместо потребите на граѓаните се решаваат потребите на партиите...
Затоа драги сограѓани, време е да престанеме да критикуваме на интернет
форумите, време е да станеме од нашите удобни ТВ фотељи и да се приклучиме на
АКЦИЈАТА: ПРВО АРХИТЕКТОНСКО ВОСТАНИЕ, која ја иницираме, ние, студентите од
Архитектонски факултет, за наше добро... за доброто на Скопје.
Ова се нашите барања:
1. Бараме официјален став од Архтиектонскиот факултет во Скопје за
случувањата на јавниот простор од општествен интерес.
2. Бараме стручни трибини пред секое ново клучно превземање на гpадежни
работи.
3. Бараме најтранспарентни конкурси, огласи и урбанистички анкети, како и
формирање на широки комисии со македонски заседавачи и странски консултанти,
НЕПАРТИСКИ тела кои ќе одлучуваат за ваквите градби. Во краен случај и
изјаснување на референдум како што се прави во европските градови, кога се
носат вакви големи одлуки. Дотогаш, мораториум на градба!
4. Бараме политичарите наместо да инвестираат во кич архитектура, наместо да
градат вештачки села за развој на селски туризам, наместо да цртаат инстант урбанистички планови, наместо да поставуваат градежни парцели на крајно не
соодветни места, да ги насочат парите во зачувување на автентичноста и
оригиналноста на старите градби кои веќе постојат и се распаѓаат од негрижа.
6. Бараме граѓаните барем за момент да се разбудат и да размислуваат со своја
глава и наместо пасивни посматрачи, да станат активни креатори на својата
иднина и иднината на градот.
Ние НЕ изнаоѓаме решенија за економската криза.
Ние НЕ гласаме во парламент.
Ние НЕ создаваме воени тактики.
Ние НЕ браниме во судници.
Ние НЕ оперираме луѓе.
Ние НЕ сме врвни спортисти.
Ние НЕ сме познати пејачи.
Ние НЕ сме ни влада ни опозиција.
Ние СМЕ архитекти и сакаме да создаваме АРХИТЕКТУРА белег на нашето време.
СРАМОТА е да се СРАМИМЕ од сопствениот град! Заедно да бидеме градители на новата слика!
Архитектурата се создава по ЧОВЕКОТ КАКО МЕРКА. Во нашиов град, кој го праша човекот?
Доста е со квази-трансформации на објекти-реплики од странство! Доста е со изградби на НОВО-СТАРИ ОБЈЕКТИ! Да создаваме во 21от век.
Архитектурата не е компјутерска игра! Архитектурата е професија, целосна посветеност и макотрпна работа. Архитектурата е искуство и начин на живот. Архитектурата не може тајно да се договара и да се крие. Резултатот е секогаш реален волумен во реалниот простор!
-----------------------------------------------------------------------------------------------
Fellow citizens and residents of Skopje,
OUR city is rapidly and definitely drowning in kitsch of a previously unseen
extent and of yet uncertain consequences. The public space in OUR city is
subject to plans and projects of politicians-economists and some of their
friends, the villain architects, that would build even the Eiffel Tower
if wanted by the client. Independent views raised by art historians or other
experts are ignored. Instead of public and professional debates about the
development of the city, competitions and plans are made in secret. Instead of
solving the needs of the citizens, the intent is to solve the problems of
political parties.
Therefore, fellow citizens, it’s time to stop criticizing only on internet
forums; it’s time to stand up from our comfortable TV chairs and to join the
INITIATIVE: FIRST ARCHITECTURAL UPRISING, instigated by us, the students of the
Faculty of Architecture, for our own good and for the good of Skopje.
These are our demands:
1. We demand an official position of the Faculty of Architecture [at the
University of] Skopje
on developments concerning the city’s public spaces in the interest of society.
2. We demand a professional debate before every key venture for building
projects.
3. We demand transparent competitions, announcements, and urbanistic surveys,
as well as commissions with representatives and consultants from Macedonia and
abroad, NON-PARTY bodies that will decide about such buildings. The final
decision must be sanctioned through a referendum, as practiced in European
cities in such cases. Until then, a moratorium for construction must be in
place!
4. We demand of politicians to - instead of investing in kitsch architecture,
instead of building artificial villages for developing rural tourism, instead
of drawing up instant urbanistic plans, instead of building on extremely
inappropriate parcels - to focus public funding on the maintenance of the
authenticity and originality of the old buildings that already exist but decay
due to neglect.
5. We ask that the citizens wake up, for once think with their own heads, and
become actors in the building in their and their city’s future instead of
remaining merely passive observers.
---------------------------------------------------------------------------------------------
ПОВИК ЗА ПРОТЕСТ [FACEBOOK НАСТАН]
Драги
Сограѓани,
Време е за ПРВОТО АРХИТЕКТОНСКО ВОСТАНИЕ под
мотото
НЕ ГО СИЛУВАЈТЕ СКОПЈЕ!
ВОСТАНИЕТО го иницираме, ние: ПРВА АРХИ БРИГАДА
-студентите од Архитектонски факултет, поддржани од сите истомисленици и луѓе изреволтирани
од неконтролираното разобличување на градот.
Целта на востанието е да ја кренеме јавната свест
за несоодветната, нелогична и произволна поставеност на градежната парцела
предвидена за верски објект – црква, која се наоѓа на пресекот на историската
оска север-југ со новиот правец на ширење на градот, исток-запад.
ВОСТАНИЕТО ќе се случи на 28.03.2009 (сабота) во
12:00 часот, на плоштадот Македонија, на самата локација предвидена за изградба
на објектот.
Периметарот на локацијата ќе биде дефиниран со жив
ѕид, од страна на членовите на ПРВА АРХИ БРИГАДА. СИТЕ ШТО ЌЕ ДОЈДЕТЕ – ВЛЕЗЕТЕ
ВО ОЗНАЧЕНИОТ ПРОСТОР И ПОМОГНЕТЕ НИ ДА ЈА ИСПОЛНИМЕ СО ЛУЃЕ ЦЕЛАТА ПАРЦЕЛА!
Целта на ограничувањето и исполнувањето на
парцелата е да се доловат нејзините реални димензии и негативното влијание што
таа ќе го има на контекстот , односно на градскиот плоштад.
ВРЕМЕ Е ДА ПРЕСТАНЕМЕ ДА БИДЕМЕ ПАСИВНИ
НАБЉУДУВАЧИ НА ОНА ШТО МУ СЕ СЛУЧУВА НА НАШИОТ ГРАД И ДА СТАНЕМЕ АКТИВНИ
КРЕАТОРИ НА НЕГОВАТА ИДНИНА!
ПРИДРУЖЕТЕ НИ СЕ!
